// docs

Comandos

Os comandos propios de RedderOS están en /usr/local/sbin/. Se algo desta páxina non coincide co que ves no teu sistema, o que fai o sistema é a referencia: avísanos para corrixilo.

redder-status

Resumo do estado de privacidade do sistema. É o que abre o acceso directo «Estado de RedderOS» do escritorio.

redder-status

Cada liña sae con ✔ ou ✘. Comproba:

Comprobación	Correcto se…
Tor	O servizo `tor` está activo.
Devasa	Está cargada a táboa `inet redder` (sen root: o servizo `nftables` está activo).
sysctl	`kernel.kptr_restrict = 2` e `kernel.yama.ptrace_scope = 2`.
Lockdown	O kernel arrincou con `lockdown=confidentiality`.
AppArmor	Hai perfís cargados (sen root: o módulo e o servizo están activos).
IPv6	Está desactivado no kernel.
Raíz	`/` é `overlay` ou `tmpfs`, é dicir, vive na RAM.
Swap	Non hai ningunha swap activa.
MAC	Cada interface de rede ten unha MAC aleatoria, non a de fábrica.

Remata co código 0 se todo está ben e 1 se falla algo, así que serve en scripts.

redder-wipe

Borra a memoria e apaga, para dificultar un ataque cold boot.

redder-wipe

Baleira as cachés do kernel.
Sobrescribe a RAM libre con sdmem (de secure-delete).
Apaga o equipo.

Necesita root, pero funciona en calquera sesión: reláncase con sudo e unha regra de /etc/sudoers.d/redderos-wipe permite a todos os usuarios executalo sen contrasinal, só sen argumentos. É o único que se pode executar como root sen a entrada de administrador.

redder-profile

Xestiona os perfís cifrados. Necesita root. Conceptos e advertencias en Perfís.

redder-profile init   <disco>
redder-profile create <disco> <nombre> [hueco]
redder-profile open   <nombre>
redder-profile close  <nombre>
redder-profile status
redder-profile disks

Subcomando	Que fai
`init`	Converte o disco nunha caixa forte: éncheo de datos aleatorios. Borra todo o seu contido. Pide escribir `SÍ`.
`create`	Crea un perfil no oco indicado (0–7) ou nun ao chou, e ábreo. Sobrescribe ese oco.
`open`	Pide a frase e busca o perfil en todos os discos candidatos. Se o atopa, móntao en `/home/<nombre>`.
`close`	Remata os procesos do usuario, desmonta o seu `/home`, pecha o cifrado e borra o usuario do sistema.
`status`	Lista os perfís abertos e o seu espazo usado, ou indica que a sesión é amnésica.
`disks`	Lista os discos que poden ser caixa forte, con tamaño e modelo (úsao a pantalla de acceso).

Sen argumentos, mostra a axuda.

A frase lese da terminal sen eco. Se a entrada non é unha terminal, lese dunha liña de stdin; así a usan a pantalla de acceso e o autotest. Con REDDER_YES=1 non se piden as confirmacións de init e create: úsao só en scripts.

Mensaxes

Mensaxe	Significa
`No se ha podido abrir el perfil.`	Nome inexistente ou frase incorrecta. É o mesmo a propósito.
`Ese perfil ya existe`	Xa hai un perfil con ese nome e esa frase na caixa forte.
`La frase debe tener al menos 12 caracteres`	A frase é demasiado curta.
`Disco demasiado pequeño (mínimo 257 MiB)`	O disco non dá para 8 ocos de 32 MiB.

Comandos internos

Úsaos o propio sistema; non fai falla executalos a man.

Comando	Que fai
`redder-login`	Acceso na consola de texto (`tty1` e porto serie): pide nome e frase ou abre a sesión amnésica.
`redder-greeter-loop`	Arrinca a pantalla de acceso gráfica, lanza o escritorio e, ao pechar sesión, pecha o perfil.
`redder-admin-mode`	En cada arranque, dá ou quita `sudo` a `anon` segundo `redderos.admin=1`.
`redder-selftest`	Autotest de arranque (só con `redderos.selftest=1`). Consulta Autotest.